有檸手打檸檬茶

Open Now

Now Closed

手打檸茶飲得多，但都預咗唔會健康得去邊😩 呢間標榜只選用蔗糖，謝絕果糖或兌溝糖漿，新鮮，真材實料，100%零添加零負擔，講到咁勁真係要親自試吓有冇料到。小店飲品主要分為四大類，檸茶、霸王、芝士奶蓋冰沙、咖啡同熱飲，有500ML、700ML、1000ML、甜度冰度自行選擇，另可加配料，如艾丸小丸子、櫻花/青提/桂花味寒天波波，出邊比較少見，鍾意有咬口嘅不妨試試。佢哋最近推出D197貓山王檸檬茶，榴槤同檸檬茶混合神奇地夾，味道唔會蓋過對方，榴槤控千祈唔好錯過！特濃油柑都係必點之選，酸甜回柑嘅果香味，令人一試難忘。如果鍾意芫荽嘅都可以試試芫荽檸檬茶，真材實料，性價比高。