大喜屋

Open Now

Now Closed

每次黎大喜屋食放題總有驚喜！今期推出以榴槤為主題，岩哂一班榴槤控嘅朋友，無限量任食。今日去咗沙田廣場分行，估唔到午市時段都有唔少人，lunch食放題經濟實惠，地方好大好寬敞乾淨企理。最欣賞係由落單到上菜，快而準有效率，又不會有漏單情況出現，值得一讚！自助區有不少冷盤、小食、雪糕、甜品每款細細件，可以食多幾款，飲品除咗汽水，仲有啤酒🍻清酒🍶梅酒🍸自家冷泡茶同日本果汁酒，款式都好多選擇。食物方面款式超多~刺身、壽司、串燒、燒物、天婦羅、一品料理、煮物 應有盡有，真是吃到飽飽為止～刺身好新鮮，三文魚肥美、象拔蚌赤貝好爽口、長腳蟹好細心已經開邊，容易食。壽司卷物都好精緻，呢度嘅壽司份量細細件，可以試多幾件不同款式。必食推介：蝦球伊麵｜鵝肝多士｜極品金帎頭榴槤燒｜王牌乳鴿蝦球伊麵-蝦球大大隻爽口彈牙，伊麵每條麵都掛上惹味濃汁。王牌乳鴿- 酒樓平時食一隻都要幾十蚊,呢度係任食，熱辣辣上枱，好厚肉肉質鮮嫩，炸到外皮香脆。極品金帎頭榴槤燒-榴槤控 絕對不能錯過,即叫即燒燒完外層有少許微焦效果，入面質感好綿密，夠香夠甜。鵝肝多士-呢度真係落重本，鵝肝好厚身，味道濃郁。