榴槤B哥

Open Now

Now Closed

本人是一個超級榴槤友，有時會約埋三五知己買榴槤開party。今日落荃灣搵B哥，揀咗一個貓山王BB及一個D24 XO同好友開心Share。B哥會即場開，包開包熟，而且仲要用盒裝再加真空包裝， 免得搭車味太濃會令人尷尬。我哋約好去朋友屋企開榴槤派對，一打開包裝已經嗅到澎湃榴槤香味，好似在呼喚我哋要馬上食咗佢，大家洗好手即歎。呢個猫山王BB肉多而且有5房，夠熟又好香又甜，口感 creamy，齒頰留香，食到舐埋手指，飽到飯都唔使食。d核幾薄幾細，超滿足。而D24 XO就味香濃帶少少醇香，d核雖然有少少大，但每粒榴槤都好好味。利申：榴槤B哥間鋪頭可使用消費卷，下星期又可回購，Yeah ！！