貓山皇 (Closed)

全店獨孤一味賣榴蓮甜品真係好有市場策略，當然一定做過調查知道有好多榴蓮愛好者，否則好難淨賣榴蓮甜品！好似見到有1、2樣唔係榴蓮，但都好難吸引唔酷榴蓮人入嚟，因為成間店已經充斥著濃烈既榴蓮味！首推必食一定係------「貓山王榴蓮軟雪糕」!!!!噴哂煙既賣相已經加哂分！口感係好濃郁既榴蓮味，唔溜，食哂成杯感覺剛好！好正！另外榴蓮拿破崙都係必食！雖然D Filling顏色有點Artificial，但咬落去都係好Rich既榴蓮味，皮好鬆，自家製嚟講算唔錯！下次會試埋榴蓮Pancake同蛋糕先得！