麻辣小聚 (93WYS) (Under Renovation)

日日喺觀塘做嘢，商場嘅餐廳都已經全部食過，有啲膩，同事就帶咗我去偉業街嘅麻辣小聚，餐廳裝修好舊式，但係環境非常企理乾淨。員工都好親切嘅推薦左佢哋嘅招牌同特色菜。我同同事就點左干煸四季豆在家特色菜地道樟茶鴨。干扁四季豆值得一讚，火候非常好，四季豆口感非常嫩滑又多汁，加上炒過嘅肉碎，食落鹹鹹又帶點辣味。另外地道樟茶鴨味道非常有趣，鹹香得來又帶有好香嘅茶葉同木頭香味，鴨肉都非常嫩又脆皮。兩個餸菜好食到要食兩碗白飯先滿足，非常滿意同事嘅介紹。