Video
Read full review
2011-10-11
1975 views
師傅帶住少少怒氣同好友食家"乜都放入窿"離開間所謂第一嘅食店, 之後又繼續漫遊太子, 行行下無意間見到呢間食店, 好友食家"乜都放入窿"就同師傅講呢間食店好得, 師傅當然知呢間食店有幾出名啦, 可惜從未試過, 於是好友食家"乜都放入窿"就提議入去試下, 難得黎到呢頭仲可以搵到呢間食店, 師傅梗係要入去食啦!入到去食店發覺地方非常光猛舒服, 可能已經幾夜, 所以人流唔算多, 求其揀個位坐底就睇下有咩好食! 坦白講兩條友都已經食到八八九九, 如果再一人一碗攦粉, 師傅相信叫定白車都得; 但呢間食店主力食攦粉, 唔食又好似唔似樣, 加上好似冇咩其他選擇, 正打算二人共分一碗粉之際, 忽然好友食家"乜都放入窿"發現仲有糕點, 咁成個環境就即時逆轉!糕點份量細少, 唔會太過量, 加上屬於甜品, 好友食家"乜都放入窿"一定冇問題, 就決定揀幾款糕點, 有桂花糕, 椰汁糕, 紅豆糕同芝麻糕, 每款四件, 計落都係一人兩件, 落單時伙計又問要唔要餐, 餐有豆漿, 見個伙計咁講, 師傅亦決定試一試佢!落完單吹左一陣水, 就有得食! 四款糕點擺設得精緻美觀, 見到已經好鬼吸引; 先講下桂花糕, 入口清新,
入到去食店發覺地方非常光猛舒服, 可能已經幾夜, 所以人流唔算多, 求其揀個位坐底就睇下有咩好食! 坦白講兩條友都已經食到八八九九, 如果再一人一碗攦粉, 師傅相信叫定白車都得; 但呢間食店主力食攦粉, 唔食又好似唔似樣, 加上好似冇咩其他選擇, 正打算二人共分一碗粉之際, 忽然好友食家"乜都放入窿"發現仲有糕點, 咁成個環境就即時逆轉!
糕點份量細少, 唔會太過量, 加上屬於甜品, 好友食家"乜都放入窿"一定冇問題, 就決定揀幾款糕點, 有桂花糕, 椰汁糕, 紅豆糕同芝麻糕, 每款四件, 計落都係一人兩件, 落單時伙計又問要唔要餐, 餐有豆漿, 見個伙計咁講, 師傅亦決定試一試佢!
落完單吹左一陣水, 就有得食! 四款糕點擺設得精緻美觀, 見到已經好鬼吸引; 先講下桂花糕, 入口清新, 帶出淡淡嘅桂花清幽, 都幾醒晨; 而椰汁糕嘅椰汁唔會太濃, 味道洽到好處, 而且夠香夠滑; 紅豆糕就較為普通少少, 不過勝在紅豆夠腍; 芝麻糕嘅芝麻勁香濃, 入口細滑, 有搶住食嘅感覺; 加上四款糕點的的骰骰, 糕身軟硬適中, 味道唔會太甜, 仲可以一口一件, 感覺勁正, 真係食多幾件都唔會厭! 師傅揀桂花糕和芝麻糕作為必食推介! 而豆醬亦香豆味, 味道唔會太甜, 都不俗!
總括黎講食物水準甚佳, 服務招呼有禮, 店內光猛清潔, 坐得舒服, 價錢相宜, 每款糕點都係四蚊雞, 臨離開食店時發生左單小趣事, 話說師傅攞住張單起身行出門口找數, 點知比個老闆叫住話 “比錢呢邊”, 但師傅仍繼續向門口行, 稍為定神後才懂得行番轉頭; 雖然唔係咩瘀事, 但好友食家"乜都放入窿"就笑到傻左, 好似比人點左笑穴咁一發不可收拾, 真係比佢激傻!
用甜品來結束當晚嘅飯局絕對係一個不錯嘅選擇, 而呢間食店為師傅橫掃太子之尾站亦劃上完美嘅句號! 最過癮莫過於能與好友食家"乜都放入窿"四圍食, 一晚光顧左四個唔同景點, 唔係個個人都可以咁樣陪師傅顛法架; 如果冇左腸粉呢段小插曲, 相信師傅真係笑足一晚! 呢間食店笑臉比硬, 肯定會再黎試佢嘅攦粉!
Post
