黑布小巷 (黑布街) (Closed)

嚟開搞印刷， 係汽車維修林立嘅橫街， 有間台式小食店。 門面有特色， 唔係傳統小食店。 門口放咗一張流心三文治相🥪， 宣傳相影得靚， 睇落去都好吸引。 可惜剛食咗午餐， 唯有試吓佢嘅糖水。 後生嘅女店員服務態度好， 仲介紹我食自家製黑糖三色芋圓。 味道唔錯， 每粒大小不一， 應該都真係自家製， 如果可以冧番少少會更好👍 建議加番啲紅豆和仙草選擇， 會無咁單調。 平時好少機會係窄巷食嘢， 我揀咗個Bar枱位座， 個抽氣扇吹到正🌬，佢地係到炸嘢， 油煙味好重。調位轉坐摺檯， 冷巷環境當然冇咁整潔。 但係得哩到食嘢， 都係預咗。 見到年青人嘅細小食店， 有四個員工做。 人手多， 能夠賺到人工都好唔錯， 係辛苦工。 食物品質服務態度佢哋都唔錯， 值得支持。 下次經過都會幫襯下。 加油💪🏻