616燒肉酒場 (Closed)

好耐冇食燒肉，呢日放工之後約咗朋友去大圍呢間燒肉店食dinner。呢度嘅環境幾靚，好岩一路慢慢燒肉，慢慢嘆。呢間燒肉有幾款套餐可以選擇。今次揀咗呢款最高級嘅燒肉，佢有唔同部位嘅和牛，包括和牛西冷、牛小排、肉眼上蓋、牛肋條、橫膈膜同埋牛腹肉，勁豐富，岩哂食肉獸！和牛西冷好大塊，牛肉上面有好靚既雪花紋，牛肉油脂豐富，拎去燒完之後勁香，肉味香濃，配白飯食一流！餐廳依家仲會送甜品給食客，好窩心！今日有柚子雪葩，好refreshing。