別忘了

Open Now

Now Closed

餐廳位於太和廣場，主打台式火鍋，除咗有常見嘅肉類同打邊爐配料之外更有一系列嘅特色台灣飲品、小食同甜點供應。裝潢獨特，打卡一流，仲有櫻花樹俾客人掛上自己嘅許願簽，感覺好正。店內環境唔大，卡位為主，服務態度友善，上枱同收碟速度快，而且會定期幫手加湯。湯底選擇有台灣風味，店員推介芝士牛奶，據聞係香港唯一一間有，淡淡奶香味，另外有沙茶湯，味道偏濃，將麵底放入去唔使點醬都食得。B套餐包含六品肉類，澳洲M7牛胸腹、澳洲250日穀飼卡樂Beef、精選牛板腱、日本鹿兒島茶美豚梅肉、西班牙栗飼豬梅片同羊肉卷，肉質鮮嫩，集合不同口感同味道，老少咸宜。小食款式都唔少，充滿台灣夜市風味，甜不辣、小雞排、紹興醉雞、花枝丸、鹽酥雞、香腸、台南府城蝦捲、麻辣鴨血、阿嬤金錢肚、地瓜薯條，個人首推春捲、榴槤炸彈、蔥香餅、炸芝麻球、地瓜球、陳醋木耳同醃蘿蔔，炸至酥脆可口，餡料飽滿，唔夠飽嘅仲有滷肉飯同麵食。平時打邊爐都係去自助區攞蔬菜同丸類，呢度全部QR code落單，完全唔使郁動，菜品新鮮，丸類正常發揮，比較特別嘅有米血糕同炙燒芋泥寶。飲品款式多到誇張，梳打、奶茶、乳酸、茶品，極力推介巨版波波奶茶，甜度適中，珍珠咬落Q