Video
Read full review
2009-11-24
132 views
9月27日, 補祝我舊曆生日嘅關係, 一家人今日黎咗呢間六國酒店食buffet~ 因為爸媽都比較守舊, 佢地都唔太鍾意創新野, 所以呢類老牌酒店嘅buffet應該會啱佢地口味~而且 $138一位都幾便宜~::: 冷盤刺身 ::: 食嘅第一時間都係冷盤同刺身類~ 一望冷盤, 有點失望嘅係冇生蠔?! 呢類buffet完全冇諗過會冇生蠔食, 雖然我地都唔係話好鍾意食, 但係點都會食4-5隻, 冇咗真係好似冇咗個靈魂...其他冷盤有凍蝦, 青口, 小龍蝦… 凍蝦偏淡, 小龍蝦好鹹, 正常嘅只有青口… 其他沙律, 煙火腿, 冷麵都屬於正常貨色~ 魚生刺生選擇亦少, 只有三文魚, 八爪魚同劍魚… 不過可以一試嘅係個鵝肝pie, 雖然唔知真係有幾多鵝肝喺裏面, 不過幾有口感, 幾特別~ 配麵包食亦不錯~::: 湯粉麵 ::: 忌廉湯好特別, 有d似係魚翅嘅野喺d湯度, 好creamy, 好正好好味~粉麵有個小檔, 可以自選材料, 粉麵底, 同湯底~ 自選材料嘅餸冇乜特別, 平時打邊爐料咁啦. 粉麵底要咗粉絲跟叻沙湯底, 叻沙味道幾豐富, 有椰汁少少辣啱我, 要咗粉絲都係一個好選擇, 唔會太飽得黎又會
::: 冷盤刺身 :::
食嘅第一時間都係冷盤同刺身類~ 一望冷盤, 有點失望嘅係冇生蠔?! 呢類buffet完全冇諗過會冇生蠔食, 雖然我地都唔係話好鍾意食, 但係點都會食4-5隻, 冇咗真係好似冇咗個靈魂...
其他冷盤有凍蝦, 青口, 小龍蝦… 凍蝦偏淡, 小龍蝦好鹹, 正常嘅只有青口…
其他沙律, 煙火腿, 冷麵都屬於正常貨色~
魚生刺生選擇亦少, 只有三文魚, 八爪魚同劍魚…
不過可以一試嘅係個鵝肝pie, 雖然唔知真係有幾多鵝肝喺裏面, 不過幾有口感, 幾特別~ 配麵包食亦不錯~
::: 湯粉麵 :::
忌廉湯好特別, 有d似係魚翅嘅野喺d湯度, 好creamy, 好正好好味~
粉麵有個小檔, 可以自選材料, 粉麵底, 同湯底~ 自選材料嘅餸冇乜特別, 平時打邊爐料咁啦. 粉麵底要咗粉絲跟叻沙湯底, 叻沙味道幾豐富, 有椰汁少少辣啱我, 要咗粉絲都係一個好選擇, 唔會太飽得黎又會索到d湯~ 好味!
另外, 喺粉麵檔亦都可以叫粥, 亦係自選材料, 不過粥底比較淡, 冇味, 唔好食…
::: 熱葷 :::
熱葷類都係一如已往, 各種肉類, 意粉炒飯, 選擇唔多, 但樣樣都幾好味! 尤其是蘿白牛腩, 白汁意粉, 牛脷都很不錯~
::: 燒烤 :::
比較特別嘅一類, 應該係標榜住燒烤類, 可惜燒出黎嘅食物都唔太有燒烤嘅味道… 包括有牛仔肉, 豬肉腸, 雞肉腸, 蔬菜如椒類, 翠玉瓜. 我食嗰舊牛仔肉偏生, 肉味欠奉. 豬肉腸, 雞肉腸有味但係唔似燒出黎, 似焗咁. 反而蔬菜就燒得幾好食~
::: 甜品雪糕 :::
睇過食評, 都幾期待佢嘅心太軟, 可惜係又一次失望… 因為lunch buffet見唔到心太軟啦! 其他甜品款式都算多, 有cheesecake, mousse cake, brownie, crème brulee, 木糠布甸, 麵包布甸, 仲有爆谷同朱古力噴泉! 各樣味道都水準以上~ 不過要每樣都食都真係都有d困難…
雪糕真係就不可不吃, 因為係我地認為最好食嘅HD, 有士多啤梨, cookie’s n cream, 朱古力同brittle chocolate 4隻味, 食多2球已經抵番~! 仲有就係自製窩夫, 一手一腳整出黎, 唔好食都好玩~
::: 飲品 :::
好多嘅buffet都只係送一杯飲品, 呢度其中一個好處就係可以自斟自飲~ 檸茶奶茶咖啡有, 仲有西瓜汁, 橙汁, 提子汁咁, 供應選擇都幾多, 味道都可以接受~
以一個lunch buffet 黎講, 呢度嘅食物選擇都已經十分足夠, 只係冇生蠔就總係差少少, 其他食物味道都可以接受… 環境都幾靚, 面對住星期日開揚嘅告士打道, 嘆個buffet十分悠閒.
Post
