春水堂 (美麗華廣場1期) (Closed)

第二次嚟啦夾埋寫返個食評先！欣賞佢麻油烏🐔麵！香！湯底感覺好補身！雖然係有少少味精feel.不過呢個就係台灣味道喇！所以都飲咗一半佢既湯，台灣人最鍾意飲呢啲雞湯～正！個面呢我好鍾意呀因為好滑呀～口感唔錯！雞始終唔會用到台灣雞所以鞋鞋鞋地囉～❤️蕃茄牛肉嗰個湯底都好好飲，酸酸香香的感覺，好多牛筋添！叫咗個鐵觀音，nice !隔咗一日我又過嚟食咗！咁今次下午茶所以叫咗個甜品紅茶嗰個多士，之前同事推介都覺得唔錯！然後嗌咗個鹽酥雞都可以啊！當然同台灣爭小小啦但都OK啦！而家冇得去台灣食住呢個頂住先！😆不過略嫌少款（講緊啲嘢食），如果再多少少款揀就好啦～嘢飲就覺得已經夠啦好多好多款！等佢出啲季節性嘅嘢飲就好啦！例如而家荔枝咁多就可以整吓啲荔枝飲品啦！好似Starbucks咁～呢度服務可以啦、但而家好少搵到啲可以坐喺度慢慢食嘢嘅地方飲吓嘢好似以前嘅仙跡岩咁樣。咁呢度的確係一個好地方如果尖沙咀計！美麗華唔會太多人，在這裏傾偈唔錯～