歐意餐廳 (Closed)

今日黎到上水行下街，路過見到依到幾多人食，就入去試下。等位時間唔太耐我地叫左一份鐵板餐、蛋包飯同一份小食拼盤。 先講鐵板餐，我地點左半邊白汁芝士龍蝦拼燒羊架。跟餐有一份蒜蓉包，蒜蓉味香濃。鐵板餐亦可以揀配飯、意粉同薯菜。餐湯方面我地揀左南瓜湯。南瓜湯香滑，淡淡嘅南瓜香味清新宜人。平民價錢食到大隻龍蝦的確抵食，龍蝦肉鮮甜爽口，調味略有少少咸，但尚可接受。白汁濃郁配埋龍蝦非常好食。但上菜嘅時候冇配備食龍蝦嘅工具，食落有啲麻煩，但不削對龍蝦嘅享受。羊架冇羊羶味，上菜嘅時候唔會太熟令羊肉失色，不過接受唔到太生嘅朋友可能要另外要求廚房煮熟啲。加埋醬汁都唔會太油，醬汁亦都冇遮蓋肉味。羊架亦都唔細份，一個人食非常有餘，建議唔大食嘅朋友可以唔配飯意粉，因為真係非常大份！蛋包飯方面我地點左吉列魚柳蛋包飯，蛋皮薄，蛋煮得滑。茄汁份量適中，唔會太多，搶走醬汁嘅風頭。蛋白飯特調嘅醬汁配飯非常好食。魚柳外層炸得酥脆可口，內層肉嫩。而且非常大份。蛋白飯整體唔錯。小食拼盤有炸雞、洋蔥圈同薯條。三樣都最好趁熱食！炸雞肉爽口惹味，調味適中，點埋茄汁就非常完美。洋蔥圈外層酥脆，中間嘅洋蔥仲有汁，唔會炸到太乾。薯條方面都非