Video
Read full review
2017-12-16
3103 views
同老婆過嚟荃灣新開嘅IKEA，所以，就順便出街食埋飯，晌附近搜尋咗幾家餐廳，發覺「Chalet」風評不俗，而且，正正晌IKEA對面街，位置上非常就腳，但晚上經過，門面就顯得異常低調。晌Openrice網站，見佢有咗嘅介紹：「Chalet一詞，有指是瑞士小木屋的意思。」雖然，晌外觀上跟小木屋喺兩碼子嘅事，由門面開始，已見到店主晌裝修上花咗唔少心思。門前嘅單車、盆栽都喺洋溢出一片歐陸風，為平平無奇嘅街道添幾分趣味。踏入餐廳，因為臨近聖誕，就有一大大樖聖誕「迎客」樹，牆身兩邊砌上幼身嘅深灰石條，營造出一種歐洲郊區嘅古老小屋感。餐廳分兩層，地下嘅用餐區，無論地板、牆身、天花均以木板打造，配以高雅嘅餐枱、精緻嘅吊燈，頗有情調。廚房、酒吧就在餐廳尾，遠看酒吧後排列一支支嘅酒，就知佢哋有好多酒類飲品供應。拾級而上，就喺我同老婆被安排嘅上層用餐區，原來跟下層喺好不一樣，矮枱、巨型真皮梳化，以及模擬出書房嘅環境，絕對喺書香幽雅。唯一喺對外無窗戶，否則下午嚟，透點陽光，嘆份「高茶」，看看書，感覺一流。睇佢個環境格局，成間高級嘅歐陸餐廳咁，你可能諗住啲嘢食都幾貴吓，但佢哋嘅定價算得上同類餐廳嚟講夠大眾化。一
晌Openrice網站，見佢有咗嘅介紹：「Chalet一詞，有指是瑞士小木屋的意思。」雖然，晌外觀上跟小木屋喺兩碼子嘅事，由門面開始，已見到店主晌裝修上花咗唔少心思。門前嘅單車、盆栽都喺洋溢出一片歐陸風，為平平無奇嘅街道添幾分趣味。
踏入餐廳，因為臨近聖誕，就有一大大樖聖誕「迎客」樹，牆身兩邊砌上幼身嘅深灰石條，營造出一種歐洲郊區嘅古老小屋感。
餐廳分兩層，地下嘅用餐區，無論地板、牆身、天花均以木板打造，配以高雅嘅餐枱、精緻嘅吊燈，頗有情調。廚房、酒吧就在餐廳尾，遠看酒吧後排列一支支嘅酒，就知佢哋有好多酒類飲品供應。
拾級而上，就喺我同老婆被安排嘅上層用餐區，原來跟下層喺好不一樣，矮枱、巨型真皮梳化，以及模擬出書房嘅環境，絕對喺書香幽雅。唯一喺對外無窗戶，否則下午嚟，透點陽光，嘆份「高茶」，看看書，感覺一流。
睇佢個環境格局，成間高級嘅歐陸餐廳咁，你可能諗住啲嘢食都幾貴吓，但佢哋嘅定價算得上同類餐廳嚟講夠大眾化。一個主木餐牌，左邊喺4道菜嘅晚餐（唔包飲品，$188-$308），右邊雖然寫散點（$178-$368），但只要加$88一樣可以變為套餐，多咗是日餐湯、前菜及甜品，睇落去你就知依$88加得過。此外，呢度都有斧頭扒食，用上澳洲M4和牛，寫明重38安士，只賣$888，真喺比好多扒房平一截呀！
而木餐牌背面，仲有多款小食，有生蠔、墨西哥粟米片、炸魚薯條、德國腸拼盤、芝士拼盤、伊比利亞黑毛豬火腿……等等，大部分都喺餸酒良伴，鍾意摸酒杯底嘅朋友就啱晒啦。
講開杯，就順便講講啲飲品，除咗主餐牌以木框鑲嵌外，飲品餐牌做成木酒桶形，不過太長形，影相就有點難（原因喺小弟堅持橫影啫）。飲品有多款生啤、烈酒、紅白餐、香檳、雞尾酒……等等酒類一應俱全，亦有非酒精雞尾酒、汽水及咖啡……等等讓唔飲酒嘅客人都有選擇。
意大利雜菜湯是日餐湯有兩款選擇，正正可以一人試一款，其中一款喺「意大利雜菜湯」，真喺開正我老婆嗰瓣。小弟都試咗兩口，濃郁而酸香鮮活，仲有好多蔬菜，飲落頗醒胃。
蟹肉南瓜忌廉湯湯色橙黃有光澤，感覺都好對辦，入口稀杰度啱啱好，滑溜挺身，而南瓜味都突出，不過，似乎蟹肉就唔太多。反而，啲餐湯嘅亮點晌啲麵包度，麵包偏身，外層有啲酥皮咁樣，以為又乾又硬，呃晒，咬落微微煙韌，但包心軟綿，好有麵粉香，沾啲湯一齊入口，更加好味。
法式鵝肝醬配無花果前菜同樣喺有兩款選擇，咁就梗喺各要一客啦，而兩道前菜都以黑石板盛上，賣相挺精緻。無花果明顯有烘焙處理過，味道更濃縮，而鵝肝醬就咁食，都喺「散修修」啲，配塊水餅或法包，感覺好好多，其實，片鵝肝醬喺幾幼滑，而伴碟自家調製嘅藍莓醬拼鵝肝醬好有種平衡作用。
香煎半熟吞拿魚伴三文魚籽將吞拿魚半煎熟，老婆話幾有份食「肉」嘅感覺，佢意思喺似似哋食牛肉咁，因為佢偏素，依家極之少食紅肉。小弟亦試番嚿，比起食刺身，確喺多份挺實感，但不失其魚鮮味，啲三文魚籽就做咗大配角喇。
北海道蟹肉意大利飯 $198小弟揀咗散點嘅意大利飯，再補充多句，以上個價喺散點菜價，需加$88變為套餐。個飯一片金黃配埋墨汁脆片及炸麵條，睇嚟簡單，但可以講喺深藏不露，個飯嘅濕潤度啱啱好，啲芝士汁底好似保濕液咁水潤包住啲飯粒，而飯粒咬口卻唔會令人有種生米感，齋飯我都覺得好食，加埋混入唔少鮮蟹肉，食味一流。
北海道蟹肉意大利飯
58 views
1 likes
0 comments
老婆就揀咗晚餐嘅白春雞，不過，侍應話今晚做唔到煙燻嘅效果，其實都無乜所謂；佢順便介紹埋喺採用法國黃油雞，皮脆肉嫩之餘，油份重啲，味道更加香啲；伴菜有椰菜仔及松子仁，啲地中海汁似似哋燒汁，但香濃外，仲有微微辣度，頗惹味，墊底嘅栗子蓉，搓得柔滑粉香，比薯蓉就自不然更高一個檔次啦。
煙燻法國白春雞配地中海汁松子仁栗子蓉
34 views
1 likes
0 comments
朱古力心太軟以為套餐包嘅甜品，都喺普普通通嘅慕絲呀，芝士餅呀之類，原來可以揀心太軟，以及麵包布甸或意式奶凍。依客心太軟焗得剛好，產生流心效果，又唔會太瀉，朱古力味超香濃。再者，碟上嘅雪人畫花絕對喺令道甜品相得益彰。
朱古力心太軟
32 views
0 likes
0 comments
意式奶凍杯奶凍配點點紅莓漿，碟上只寫上餐廳名字，比較下，就無心太軟賣相咁靚，不過，質素不賴，奶味好濃郁之外，質感挺身而軟滑，唔會太削搞到似慕絲咁，算得上出色嘅出品。
服務媲美到啲酒店級數，點解咁講？由於我哋坐上層，都喺啲「茶几枱」，落單時位男侍應刻意踎低，同我做成同一水平，真喺讓客人自在好多。此外，知道我哋個主菜喺「些牙」食，建議先上意大利飯，食完才再上客春雞，避免意大利變涼會過於黏連；最後，離開時特別提醒我哋注意樓梯，以上窩心細節位客人喺感受得到佢份用心。加上菜式嘅賣相、味道，以至定價，絕對值得推介兼翻兜。
Post
