Maison A+ (Closed)

早前同幾位老友聚餐，其中一位老友晌新蒲崗工作，亦知小弟鍾意食麵包，所以，專登送個麵包俾小弟試，麵包雖然食唔少，但就好少寫麵包食評，既然老友咁有心，當然寫番篇留個念。麵包出自「Maison a+」，可能大家會陌生啲，其實就喺「A1 Bakery」啲副線，就連個包裝紙袋都喺用番A1嘅。而送上嘅麵包喺「歐陸雜果法包」（$26），正正早兩日先食過，因為附近嘅西鐵有A1，老婆都幾鍾意佢哋啲包。雖然賣到成$26，以街坊心態而言價位一啲唔平，但就絕對真材實料，唔可以講喺唔值，更喺店家第二好賣嘅產品。以法包為基礎，所以，咬落包面喺少少脆脆哋，包心就帶韌性，而內裡就混有超多提子、南瓜子、合桃……等乾果，故食落好有口感。平常老婆買嚟當佢自己午餐，而今次老友送俾我，就當喺下午茶，沖杯咖啡配搭下，偷懶一陣間先！