Video
Read full review
2008-02-26
好耐無正正經經坐低食西餐, 0係門口見到呢度不論menu 同環境都歐陸roadside cafe 0既感覺, 入0黎試試. 叫了個Risotto with Zucchini in Truffle Pate Cream Sauce 的set lunch ($68), 有磨菇湯, 咖啡及complimentary 的puff 做甜品.先0黎磨菇湯, 味道濃郁, 唔會太「奶」, 幾好味; 餐前麵包烘得熱熱的, 有一片pumpernickel 同一個灑滿poppy seeds 的圓形麵包, poppy seed 包外皮鬆脆, 入面就好軟熟, 就咁食都好好食, 當然塗少少牛油就更香更好食啦; pumpernickel 唔0岩我口味, 亦勾起我0係金鐘分店買pumpernickel 食的可怕回憶(詳見我的2007 年4 月19 日食評), 結果被放棄了.Risotto 唔算香噴噴, 賣相好似好淺色, 一心仲以為要食無味餐, 好在估計錯誤-- risotto 煙煙韌韌, truffle pate cream sauce 唔杰又唔稀, 味道濃香, 意大利瓜同雜菌又爽又甜, 整體唔漏, 好食!熱咖啡飲
先0黎磨菇湯, 味道濃郁, 唔會太「奶」, 幾好味; 餐前麵包烘得熱熱的, 有一片pumpernickel 同一個灑滿poppy seeds 的圓形麵包, poppy seed 包外皮鬆脆, 入面就好軟熟, 就咁食都好好食, 當然塗少少牛油就更香更好食啦; pumpernickel 唔0岩我口味, 亦勾起我0係金鐘分店買pumpernickel 食的可怕回憶(詳見我的2007 年4 月19 日食評), 結果被放棄了.
Risotto 唔算香噴噴, 賣相好似好淺色, 一心仲以為要食無味餐, 好在估計錯誤-- risotto 煙煙韌韌, truffle pate cream sauce 唔杰又唔稀, 味道濃香, 意大利瓜同雜菌又爽又甜, 整體唔漏, 好食!
熱咖啡飲落一般滑, 不過幾香, 都唔錯; dessert 0既presentation 幾靚, 件puff 係bite size, 入面有極少的cream (係少得食0左都唔覺得有cream 存在), 出奇地脆口又好乾, 麻麻0地.
環境設計望落好歐陸roadside cafe 0既感覺, 不過仲嘈過街市, 除0左食客們講0野好大聲(尤其是隔兩張檯0個兩個女人!!!) 之外, 店員們收0野係將d 碟刀叉掟上counter 的, 「砰ling 嘭 lang」得好緊要, 十足中式酒樓茶餐廳, 令人幾困擾; service 一樣似茶餐廳(仲要係無誠意0個d), serve 我的有兩個女店員, 兩個都黑面的, 其中一個(年輕, 短髮, 戴黑色粗框眼鏡, J 字頭英文名0個個-- 點解記得咁清楚? 因為佢態度特別差嘛!) 仲會將食具一碟二碟的0野食「車」埋客人面前, 令人為之側目.
埋單連加一$74.80, 唔算好貴, 不過我食呢餐飯0既心情已經俾「茶餐廳-ness」破壞晒, 即使食物唔錯, 亦唔會俾笑面, 而且我相信唔會再幫襯.
Post
