祥興記上海生煎包 (樂道)

Open Now

Now Closed

招牌生煎包 (4件) $38祥興記嘅生煎包sell「底脆、皮薄、多汁」，三大賣點好似好吸引咁，但實際做到嘅得「多汁」。生煎包底係焦黃色，但係！佢咬落硬到卡卡聲，加上包嘅收口位喺底部，所以個底又厚又硬，牙力弱啲都咬唔開。生煎包皮嚟講，厚薄度係薄嘅，但係厚薄多少係一個相對嘅概念。餡分量其實偏細粒，一食落去，皮嘅存在會好容易被放大，所以整體嚟講，皮話薄唔薄，話厚唔厚。多汁！的確多汁，我諗住咬一半，以為啲汁會喺個口到爆出嚟，點知佢反其道而行，向外面爆汁，我條褲成功飲曬啲汁。新鮮豬肉的確係唔同啲，肉味濃，但真心餡少😢網頁寫$34，但我真係恭喜你，因為呢到係尖沙咀，所以平均每一隻生煎包加多$1，一隻生煎包$9.5，差唔多10蚊一隻。相信去到呢到，你哋都感受到我嘅憤怒值，我俾佢個「2016年米芝連推介」欺騙咗，以為會好出色，點知佢失晒色。