五要素食堂 (Closed)

聽人推薦呢間野食好耐，今日經開附近就黎一試。單菜選擇好多，真係包羅萬友，呢方面真係好加分👍🏻蟹肉靜岡大葉手打闊意粉 - 呢種闊意粉係我最中意既，而且唔係每間餐廳都有，見到呢度有真係好驚喜，點可以唔叫。 意粉好有口感，唔會煮到過軟，剛剛好。另外，蟹肉好多，每一啖都係意粉同蟹肉，好有滿足感。加多$18，仲有埋日式洋蔥湯同埋薯仔沙律，薯仔沙律入包有薯仔蓉、青瓜同埋洋蔥，口感爽脆特別。靜岡抹茶紅豆窩夫 - 抹茶控點會錯過同抹茶有關嘅野食🤟🏽 喺窩夫上面灑上滿滿嘅綠茶粉配上紅豆同埋cream，又係啖啖滿足感充斥到味蕾🥰 窩夫外脆內軟，值得一提嘅係呢個窩夫係鹹身既，好特別，食甜品都唔洗帶有太大罪惡感😎 整體來說，呢間野性價比好高，位置又方便，行開呢度真係要黎試下。