越男仔

Open Now

Now Closed

路過沙田搵食，見到花間越南餐廳款式又多又新穎，於是就試一試。晚市價錢偏貴，而且冇套餐。樓面姐姐好有禮貌，會主動解答同介紹👍🏼.他他牛海膽卷 $98 - 他他牛俾我嘅印象應該係生牛肉，但呢個都接近8成熟，包住嘅都係青瓜絲同洋蔥等，只係面頭有少少火炙咗嘅海膽，其實味道唔錯，只係價錢偏貴。如果唔加海膽，其實對整體味道都冇太大影響。法式芝心蝦多士 $65- 幾有驚喜初初諗住都係好普通，但炸得好香脆，而且蝦膠好彈牙，芝麻亦都點綴咗非色香口。.冰鎮蜜糖凍蕃茄 $45 - 其實整體都唔錯，但加咗有柚子蜜就有啲畫蛇添足，完全蓋過咗蕃茄嘅味。