Video
9-min walk from Exit C, Sha Tin Wai MTR Station
continue reading
Telephone
23370075
54268991 (WhatsApp)
Introduction
It serves Vietnamese cuisine with creative elements, such as using sea urchin to serve side dishes. For the signature items, you can try Salt and Pepper Soft Shell Crab and Raw Beef with Rice Noodle in Beef Bone Soup.
continue reading
Additional Information
可以 WhatsApp 54268991 落單
Opening Hours
Today
11:30 - 22:00
Mon - Sun
11:30 - 22:00
Public Holiday
Closed
Public Holiday Eve
11:30 - 17:00
Above information is for reference only. Please check details with the restaurant.
About Reward Scheme
Offers
搞咩搞到火燭？上次食啟德嘅”越男仔”比較似food court格局，雖然啲嘢食已經吸引好多目光。但今次嚟到沙田店，既然Menu更多選擇，就揀一啲更吸引目光嘅嘢😂 - “原隻太平燒雞”。原隻太平燒雞 $188 - 視覺效果夠晒震撼，今次唔止附近嘅枱，差唔多全店嘅人都望過嚟😂。當店員倒了酒後，一點火，真係好誇張…跟住店員就會拎去切。味道上佢係飲宴嘅炸子雞升級版。除咗有專屬嘅醬汁，咬落去嘅脆皮仲會滲出南乳味，非常濃郁美味。唯獨要留意份量相當多，我哋最後要打包😅。三色檬紙卷拼盤 $138 - 呢個由三文魚、牛炸醬、手撕雞組成嘅六件裝紙卷，咬落去味道同清爽兼備，做開胃菜又得，填下個肚又得。落埋醬汁，更勝一籌。越式生蝦沙律5隻 $128 - 原本只係想當普通沙律前菜，點知原來嚟到咁大份。咁我心諗都冇嘢啦，五隻蝦啫，生蝦沙律可以有幾飽肚？生蝦本身新鮮大隻，但原來真正嘅核心係個蝦頭度，佢唔只係炸，仲釀咗好多料入去原本好多蝦膏嘅蝦頭度。所以味道豐富之餘都幾飽肚。椰香漏漏啡 $31 - 其實就係滴漏咖啡，個底係有甜嘅椰汁，所以最後撈埋一齊係有甜味。不過個人認為個椰汁味道可以再濃啲。今次嚟到沙田店”越男仔”，比較有越式氣氛，周圍都貼咗越南嘅相同畫，仲有以前領導人嘅相。另外服務員亦都非常殷勤，我覺得今次有驚喜，絕對值得再嚟！
continue reading
最近天氣凍冰冰，最岩就係食熱辣辣既粉絲煲！係港鐵沙田圍站 C 出口, 步行約9分鐘, 就黎到呢間別具特色既越南fusion菜！河內三鮮(生蠔+生蝦＋滑雞) 椰汁酸湯煲生蠔非常大粒，生蝦也非常大隻，仲有超級多雞肉！招牌椰汁酸湯，湯頭清新酸爽，椰汁的香甜與酸味相輔相成，令人耳目一新。每一口都帶著海鮮的鮮美，生蠔的滑嫩與蝦的彈牙相得益彰，讓人忍不住再來一口。至尊拼盤入面有4件芝心蝦多士4件煙三文魚檬紙卷 4件龍蝦餅 同2件 蒜香牛油雞翼 ！芝心蝦多士入面既流心芝士好好味，煙三文魚都可以整做檬紙卷，實在創意十足！蒜香牛油雞翼非常脆口！龍蝦餅十分彈牙！秘製香茅薑蜜非常重薑味，軀散哂身體既寒意！
continue reading
最近無論同屋企人或朋友食飯都是食港式、西式、日式菜，食到悶都想轉吓口味。上星期同老公食過〈越男仔〉— 在沙田圍站附近的越南菜，覺得都唔錯，以後食飯又多個好選擇了😋.我哋當晚叫了〈河內三鮮椰汁酸湯檬配白飯〉、〈至尊拼盤〉及飲品〈龍眼花蜜茶〉，好飽好滿足。.河內三鮮(生蠔+生蝦＋滑雞) 椰汁酸湯檬鍋配白飯 —湯底係椰汁酸湯，用雞骨熬製，加入椰汁、酸子和醋等配料，不會太酸，愈食愈開胃，飲湯或送飯都好味。呢個鍋份量超多！共超過10件雞肉、雞髀！每件都大大舊；生蝦有2大隻，蝦膏好味，蝦肉新鮮有甜味、肉質彈牙；蠔都有2隻，大隻厚肉；配料仲有芽菜、茄子，真係好豐富好抵食👍🏻.至尊拼盤 —〈芝心蝦多士〉 有4件，外表炸過好鬆脆，蝦肉好厚、爽口，配埋流心芝士一齊食好邪惡🤤〈三壘煙三文魚檬紙卷〉 有4件，米紙卷包著濛粉、生菜，煙三文魚好大片，沾魚露甜酸汁一齊食好好味，口感豐富；〈下龍灣蝦餅〉有4件，炸得好香，肉質爽口；〈蒜香牛油雞翼〉有2大隻，外表牛油炸漿好脆好香，雞肉好嫩滑入味。.龍眼花蜜茶 —我哋叫了一杯凍、一杯熱。龍眼花蜜茶係餐廳新鮮自家煲，不會太甜，好滋潤，好飲。
continue reading
**冬陰功湯配生蝦（三隻）$165** 這道湯品以精巧的小鐵鍋上桌，湯底由香茅、檸檬葉和辣椒熬煮而成，酸辣的風味令人陶醉。搭配的新鮮生蝦，蝦頭裡充滿濃郁的蝦膏，每一口都散發著海鮮的鮮美與湯的香氣，價位為$165，特別適合喜愛刺激口味的食客。**原隻太平燒雞 $188** 接下來是原隻太平燒雞，這道菜以整隻雞為主角，經特製醬料醃製，然後由餐廳員工現場點火燒烤，外皮酥脆、肉質鮮嫩，滋味濃郁，令人垂涎。售價$188，燒烤後可以選擇手撕或由廚房斬件，非常適合家庭聚餐。**雙蝦扎肉撈金邊粉 $108** 最後，雙蝦扎肉撈金邊粉是一道絕佳的分享菜品，結合了蝦的豐富口感與扎肉的香氣，搭配滑順的金邊粉，再加上酸酸甜甜的醬汁，味道十分美味，份量也非常足，售價為$108。這三道菜不僅色香味俱全，還能讓你體驗到濃厚的東南亞風味，絕對值得一試！
continue reading
沙田圍呢度其實都好多餐廳，今日食呢間超多好評嘅越南仔，餐廳裝修充滿着好多玩味嘅佈置。紅蕃茄火車頭煲天氣凍叫咗個火車頭煲，一上枱已經見到非常豪華。濃郁嘅蕃茄湯基底，酸酸甜甜，用料十足，食得出好多新鮮蕃茄肉，豆角，洋蔥等。火鍋材料非常豐富，包括牛肉片、牛筋、牛丸等。牛肉片嫩滑多汁，牛筋膠質滿滿，牛丸非常彈牙又爆汁。加$8加配黃薑飯絕對值得。黃薑味香濃，仲食得出好香嘅香茅同埋椰奶味。淋上濃郁嘅番茄湯汁，小朋友都胃口大開。天氣涼涼哋，食呢個熱辣辣嘅湯鍋實在非常正斗。蒜蓉牛油海南雞脾撈金邊粉主角海南雞脾非常嫩滑，皮肉均稱，上面淋上蒜蓉牛油汁，濃郁而不過膩。金邊粉非常爽口彈牙，米味香濃，仲加咗好多新鮮蔬菜，好清爽。撈金邊粉嘅靈魂醬汁魚露，酸酸甜甜帶微辣，咸香味濃，清爽解膩，可算係食過最高質嘅撈金邊粉。三色檬紙卷拼盤賣相一流，色彩繽紛。拼盤有三款特色檬紙卷，每款嘅基本元素係檬紙加滿滿嘅蔬菜同檬粉，蔬菜的確好新鮮。牛炸醬帶著燒烤香氣，牛肉軟嫩帶微辣。煙三文魚咸鮮味十足。手撕雞一絲絲肉質細嫩多汁，感覺健康又清爽。整道菜色彩鮮豔，好睇又好食。椰汁拉茶紅豆冰以香濃嘅椰汁為基底，口感濃郁順滑，加上濃郁嘅拉茶。底下嘅紅豆煮至軟糯，帶天然香甜味道。飲品層感豐富，好飽足。鮮菠蘿梳打冰另一款清新嘅特飲，新鮮菠蘿酸甜適中。最驚喜就係原玻璃樽梳打水，慢慢倒入菠蘿冰裏，菠蘿嘅自然酸甜味同梳打水非常夾，氣泡又夠晒多，非常清新，非常解渴。餐點單價唔算特別平，全單$500零蚊。但係菜式份量同質素對得住價錢。無論係賣相，食物嘅味道，都食得出非常正宗講究。小店老闆及店員都好親切有禮，亦都好體貼小朋友嘅需要。好難得今時今日仲有咁嘅服務態度，全餐飯都係非常之滿足。
continue reading