板長壽司 (荃灣千色匯I期) (Closed)

想食壽司，板長係一個唔錯既選擇。近排天氣好熱，成日都好想食壽司，今次同埋屋企人黎左板長食。我地兩點倒到，餐廳入面唔算多人，唔洗等位。美中不足係我地冇做會員，三個人要share佢塊平板落單，用左比較多時間先叫完野食。我地叫左d壽司，都算幾快上菜。燒三文魚好好味，上面個層燒得夠，但係又唔會太熟，舊魚唔會一夾就散開。黑松露油甘魚上面舊黑松露好重味，點少少豉油食已經好正。卷普普通通，好大舊。仲叫左一個午餐，都係壽司，但係就有沙律、蒸蛋同湯，個蛋好滑，入面好多料，個湯好濃味。另外仲加左個小食，份量夠，上菜時間都好快，整體唔錯。