六十六十火鍋 (Closed)

之前經過見到好多人排隊，於是決定提早book位，同朋友試一試。湯底分別有：椰子文昌雞湯底、蕃茄濃湯底（配脆米泡飯）及粥底。另外，海鮮配料及其他自選配料都有好多選擇。海鮮配料揀七款及自選配料可以揀六款，份量十足👍🏼。湯底方面，今次就選擇咗粥底😋，先以用粥水打邊爐😁。海鮮配料分別選擇：肉蟹、鮑魚、聖子皇、沙白、蠔、海蝦及花甲。所有海鮮都好夠份量，大大隻脹卜卜，而且又夠鮮甜，個人就最鍾意海蝦，因為真係好甜又彈牙😁👍🏼。其他自選配料分別選擇：美國肥牛、鮮雞件、花膠仔、魚皮餃、手打墨魚丸及響鈴。食晒所有海鮮及配料之後，重頭戲嚟啦😁😁，最後店員遞上粥膽、芋頭粒、南瓜粒、粟米、葱粒、榨菜及豬油渣煮一煮，加埋之前食嘅海鮮味道，令到成個粥底都好甜，超好味🤤，非常滿足👍🏼。