龍門冰室 (Closed)

今日同daddy媽咪去完屯門嘅T Park參觀。 參觀完呢個環保設計概念新穎嘅公園之後，就去左附近嘅龍門居食晚飯。嚟過屯門咁多次，都係第一次到龍門居。龍門居嘅設計都幾特別，中間一條車路，兩旁就佈滿咗各式各樣嘅食肆、家品小店。生活日常都可以喺呢度包辦。見到一間叫《龍門冰室》嘅茶餐廳，裝修設計幾新穎，以黑白為主題。餐廳提供嘅食物除咗有一般茶餐廳嘅炒粉麵飯之外，仲有一啲係西餐廳先食到嘅菜式。感覺都幾特別，係地道同埋西餐嘅crossover。由於好肚餓，就即刻叫咗個大大份嘅鐵板餐，叫咗【爵士西冷扒拼香草腸】$80。 呢個餐包一個餐湯同嘢飲。餐湯係雜菜羅宋湯，羅宋湯味道濃郁，材料夠曬豐富，而且各種蔬菜都煲到好淋，茄味又夠，仲有少少辣辣地，非常開胃。等咗一陣鐵板餐終於上場，鐵板一傳嚟嘅時候吱吱聲響，黑椒汁淋上嘅時候霹靂啪喇聲此起彼落，可想而知鐵板幾咁熱。鐵板配以嘅薯條分開放，唔使比醬汁整到淋曬。至於西冷牛扒唔會拿得太過分，食落軟熟，點埋黑椒汁就更加juicy。至於香草腸就非常好味，外皮脆卜卜，裡面嘅肉充滿香草香味。嗌咗一個小食【椒鹽雞翼】$38， 雞翼外層炸得好香脆，金黃色嘅外皮上面淋上少少蜜糖，