Video
Read full review
2017-10-30
596 views
光陰似箭..我個韓國之旅已經完左1個月，但我仍然懷念當地既美食今晚可以一解思相之情，黎到呢間新開既韓式料理望一望個MENU，真心嘩左出黎!! 唔單止款式多，連價錢都非常吸引，睇MENU都睇到眼花撩亂，可惜我地兩個人唔可以試太多野，所以只係叫左半份炸雞、豬手例牌、一個石頭鍋飯同兩杯飲品點完餐之後，職員就會送上兩款前菜 – 蒜蓉菠菜同大豆芽由於朋友唔中意食菜，所以我一個人食哂。前菜分量好的骹，所以食哂都唔駛怕太多頂肚味道就中規中矩，唔算特出石鍋牛肉飯 $46上枱仍然聽到嗞嗞聲!!快快手趁熱加上辣醬同撈勻個蛋，雞蛋可謂瞬間變熟!!呢個石鍋飯用料十足，單單係牛肉起碼有六大塊，再配上大豆芽、菠菜、蘿蔔絲、翠肉瓜片，有菜有肉又有飯，十分豐富，正正因為咁我先中意食佢食石頭鍋飯最重要係要有飯焦，雖然石鍋夠熱，但係D飯同材料本身太濕，所以飯焦分量唔算多，呢度要扣分牛肉一如以往--甜甜地；唔韌，但無乜牛味身為靈魂既辣醬就唔夠正宗且太稀，但睇在呢個價錢，可以接受啦蜜糖牛油炸雞(半份) $88熱辣辣送上枱，非常辣手，但香氣撲鼻，令人又愛又恨..聞落去有好香濃既蜜糖味，食落係少少甜，岩岩好!!小店落牛油既分量相
今晚可以一解思相之情，黎到呢間新開既韓式料理
望一望個MENU，真心嘩左出黎!! 唔單止款式多，連價錢都非常吸引，睇MENU都睇到眼花撩亂，可惜我地兩個人唔可以試太多野，所以只係叫左半份炸雞、豬手例牌、一個石頭鍋飯同兩杯飲品
點完餐之後，職員就會送上兩款前菜 – 蒜蓉菠菜同大豆芽
由於朋友唔中意食菜，所以我一個人食哂。前菜分量好的骹，所以食哂都唔駛怕太多頂肚
味道就中規中矩，唔算特出
石鍋牛肉飯 $46
牛肉彈鍋飯
$46
20 views
0 likes
0 comments
上枱仍然聽到嗞嗞聲!!快快手趁熱加上辣醬同撈勻個蛋，雞蛋可謂瞬間變熟!!
呢個石鍋飯用料十足，單單係牛肉起碼有六大塊，再配上大豆芽、菠菜、蘿蔔絲、翠肉瓜片，有菜有肉又有飯，十分豐富，正正因為咁我先中意食佢
牛肉石鍋飯
$46
37 views
0 likes
0 comments
食石頭鍋飯最重要係要有飯焦，雖然石鍋夠熱，但係D飯同材料本身太濕，所以飯焦分量唔算多，呢度要扣分
牛肉一如以往--甜甜地；唔韌，但無乜牛味
身為靈魂既辣醬就唔夠正宗且太稀，但睇在呢個價錢，可以接受啦
蜜糖牛油炸雞(半份) $88
蜜糖牛油炸雞半份
$88
29 views
0 likes
0 comments
熱辣辣送上枱，非常辣手，但香氣撲鼻，令人又愛又恨..
聞落去有好香濃既蜜糖味，食落係少少甜，岩岩好!!小店落牛油既分量相當多，成個盤底都係牛油，真係好罪惡
雞皮唔算脆，估計加蜜糖牛油既時候令炸粉變淋左；
蜜糖牛油炸雞半份
$88
16 views
0 likes
0 comments
雞脾同翼位都滑身又有肉汁，但一到胸位就明顯乾左D (真係好想念連胸都滑身既韓國炸雞真係返唔到轉頭)
其實整體都算唔錯，色香味同分量都有 (足足有成6大舊炸雞)，食完連手指都有蜜糖牛油香
無骨豬手(例牌) $68
無骨豬手例牌
$68
17 views
0 likes
0 comments
一直都想試韓式豬手，今次真係了我心願
雖然話係例牌，但分量同質素唔差，生菜新鮮，配上泡菜同泡菜蘿蔔一齊食，可解豬手油膩感
豬手本身有豬味但唔腥，不過個人中意沾麵豉辣醬食，覺得更加好味
平時甚少食豬皮同肥膏既我，都覺得豬皮同肥膏都好彈牙，可以一試
每款菜式都可以優惠價叫一杯飲品，由於本身唔飲甜野，所以叫左熱檸茶($4)，朋友就叫左蜜桃特飲($12)，試左啖蜜桃特飲，桃味香但唔夠濃
蜜桃特飲
$12
15 views
0 likes
0 comments
總結，韓閣係一間平民韓式小店，雖然唔係話好正宗，不過勝在款式多、價錢平，所以仍然俱吸引力
Post
