燒味滷師 (富榮花園) (Closed)

之前喺屋企附近都有食過呢間，質素好，性價比高！今次去咗奧運站呢度，探朋友，咁啱經過如見到呢間燒味喺度開咗分店，好開心，順便買少少食物上去探朋友！燒味佬叉燒，半斤$50 ，相當抵食，啲肉好多汁，肥瘦平均，好喜歡佢哋嘅叉燒，質素好高。鹽焗大雞半隻$45 ，好厚肉，唔錯，而且唔會太肥，肉味香濃，最緊要夠晒平🤣🤣🤣至尊燒鵝，今次都係買四份一隻，最緊要揀佢嘅下庄，夠晒肥美，先至$120，好抵！而且仲會另外包起一袋滷水汁，點埋一齊食，正最後整多客泰式鳳爪，好入味，完全冇骨，可以就咁食，唔使就住儀容！好正，酸酸地，夠晒開胃！