Masala Hut & Cafe (Closed)

呢間印度菜餐廳環境大, 座位寛敞, 坐得好舒適! 餐廳內有個大屏幕🖥播放住印度音樂🎵, 無論裝潢、音樂, 都充滿住印度風情的~ 每次去食印度菜, 我一定會飲 Mango Lassi! 芒果配純乳酪, 味道酸酸甜甜, 質地夠杰身, 好好味😋! 芒果好香🥭, 又唔會太甜。《椰子醬煮蝦》咖哩質感好香滑, 味道冇其他印度咖哩嘅辛辣, 相對甜少少, 有咖哩及椰子嘅香味。咖哩裏面有蝦仁, 口感彈牙, 再加上印度烤餅🫓, 絕對係最佳組合! 《羊肉咖哩 Lamb Roganjosh》羊肉炆到好軟稔, 肉質嫩, 帶有濃厚咖哩香氣, 好入味。咖哩醬汁用上多種香料烹煮而成, 醬汁濃郁, 帶有溫和嘅辛辣味。《洋蔥烤薄餅》口感煙韌柔軟, 洋蔥味好香, 薄餅邊有少少焦香, 就咁食已經好好味😋, 唔使另外再調味, 亦可以搭配咖哩汁, 令薄餅吸收咖哩嘅香辣滋味~《蔬菜咖哩》裏面以薯仔🥔、椰菜花🥦、豆為主要食材, 咖哩比較辛辣, 同時充滿印度香料味道。