Video
Read full review
2023-11-20
525 views
話說朋友好鍾意食印度菜，見佢就黎生日同佢試左呢間位於尖沙咀既印度餐廳🇮🇳 餐廳入面係好有特色既印度裝潢，加上餐廳全部員工都係印度人，個vibe好有正宗印度家鄉風味。雖然係印度餐廳，餐牌係中英對照，方便點餐。而落單用簡單英文溝通就得，員工亦唔會聽唔明雞肉棒棒糖 (辣) ($80)🍗呢碟雞肉棒棒糖即係脆皮雞腿紅辣椒，雞皮炸個時染左紅色印度香料，所以炸出黎係紅色。要讚既係，5件雞腿肉都好滑好嫩口。有時出面食炸雞炸得耐左雞肉變得好”鞋”，但呢度唔會，係好嫩既雞肉黎。配上一款類似甜酸醬既醬汁，點埋個醬直程令到個脆皮雞腿口感提升左唔少！點左個醬食落冇咁辣添，怕辣既朋友唔駛驚食唔到呢味菜印度大蒜烤餅 ($40) + 羊肉咖哩(辣) ($150) + 印式芝士菠菜咖哩 (唔辣) ($90) 🥘印度菜黎講, 我最鍾意果味就係烤餅點咖哩喇！烤餅係印度菜入面咁signature，點可以唔試！呢度有好多款味道既烤餅可以揀，我地點左大蒜味。烤餅有4大塊，岩岩新鮮烤起熱辣辣，餅皮唔會好薄，點埋熱辣辣既咖哩就岩哂我地叫左兩款咖哩，羊肉咖哩同芝士菠菜咖哩。羊肉咖哩係炒將羊肉塊用香料同椰子煮熟，所
雞肉棒棒糖 (辣) ($80)🍗
呢碟雞肉棒棒糖即係脆皮雞腿紅辣椒，雞皮炸個時染左紅色印度香料，所以炸出黎係紅色。要讚既係，5件雞腿肉都好滑好嫩口。有時出面食炸雞炸得耐左雞肉變得好”鞋”，但呢度唔會，係好嫩既雞肉黎。配上一款類似甜酸醬既醬汁，點埋個醬直程令到個脆皮雞腿口感提升左唔少！點左個醬食落冇咁辣添，怕辣既朋友唔駛驚食唔到呢味菜
印度大蒜烤餅 ($40) + 羊肉咖哩(辣) ($150) + 印式芝士菠菜咖哩 (唔辣) ($90) 🥘
印度菜黎講, 我最鍾意果味就係烤餅點咖哩喇！烤餅係印度菜入面咁signature，點可以唔試！呢度有好多款味道既烤餅可以揀，我地點左大蒜味。烤餅有4大塊，岩岩新鮮烤起熱辣辣，餅皮唔會好薄，點埋熱辣辣既咖哩就岩哂
我地叫左兩款咖哩，羊肉咖哩同芝士菠菜咖哩。羊肉咖哩係炒將羊肉塊用香料同椰子煮熟，所以令到羊肉味好出，真係印度家鄉風味呀！如果係素食既朋友黎到呢間印度餐廳都唔怕點唔到餐，因為餐牌有唔少係素食咖哩，就好似我地叫既芝士菠菜咖哩咁，個咖哩汁主要係用菠菜整，配以豆製粒粒芝士撈係綠色咖哩入面，要黎點烤餅同樣好味
薄荷雞塊 (唔辣) ($140) 🍖
薄荷雞塊係用薄荷同綠辣椒醃製既雞肉塊。有成5-6件，仲要係大大舊既雞肉塊，再配埋紅椒，青椒，洋蔥，蕃茄，青瓜，蘿蔔，跟一個辣既醬，唔所以唔會好溜。咁大碟幾個人share食就最岩！值得一提既係，上碟時係用個鐵板上，滋滋聲，未食都聞到香，而且就算食到最後都保持到熱度
牛油薄煎餅Dosa ($80) 🫓
見到好多枱都有叫Dosa，我地都叫左碟黎試下。個煎餅勁大塊，我諗有成60-70cm長，打咭一流，唔怪得咁多人叫啦！趁熱食咬落去好香脆，仲聞到好香牛油味， 配上4款醬汁，每款醬汁都帶出唔同口感
芒果印度奶昔 ($40) 🥭
嘩，呢杯芒果奶昔係大推！每啖都係濃濃芒果味，勁香甜, 真係落足生果架！又香又滑溜，加上酸酸地既乳酪，開胃得黎又好飲，唔係講笑，包你飲左頭一啖就想成杯飲哂佢！
呢間餐廳絕對係正宗印度菜，咖喱落足香料又惹味✌🏻加上份量唔少，值得一試😉
Post
