吃什麼 (Closed)

間餐廳個名真係好特別，朋友提議佢，每一次我都以為佢問多我一次吃甚麼。我地平日中午去食晏，有lunch menu。如果係平日去，中午12點前會多位好多，一過左12點就勁多人。同埋要人齊先可以入座，所以一個人早啲去排隊先都無乜用。因為見到隔離枱點炸雞排鹵肉飯，都幾大份。如果以中環區黎講，60-70蚊有咁多野包野飲都算幾抵。先講個飯，鹵肉都幾多，不過我會鍾意甜少少，啲鹵汁又唔算咸又唔甜，我覺得有少少淡，但勝在份量多，同埋加左葱，食落唔肥膩。個雞排炸得好好，唔油，炸皮好薄，肉都幾嫩滑。但如果可以重味啲就好啦，我感覺自己食緊健康雞排，我點雞排就係為左唔健康🤗食左9個字左右，一放下箸，店員就叫我地空張枱出黎啦，好彩我地都準備走🤣不過出去比錢既時候，收銀既店員就好禮貌咁同我地講：不好意思啊，希望照顧出面排緊隊既客人，比佢地唔使曬咁耐。都明白既。其實算係有人情味。如果係想好好地長時間傾下計，可能呢度唔適合，但想食個快飯，咁呢度就好ok la。