韓味屋 (Closed)

放工時間黎都排左30分鐘，呢間係朋友介紹話幾好食，位置唔係成日會經過係後街黎，所以我都唔知有間咁既小店添，哈哈。我地叫左辣海鮮豆腐湯定食同埋豬手生菜包!我覺得兩樣都好好味!我地得兩個人但朋友話好想食豬手生菜包所以都叫左，食到我地兩個好飽!生菜好新鮮翠綠，豬手肉都好爽!都貴嫁要2百幾蚊一份，但份量同價錢都成正比!海鮮湯都好好飲，夠辣好開胃!佢上個陣因為係石鍋所以仲係滾緊起泡泡。我地真係因為太飽，冇食晒d湯渣，但全部料都入晒味，好正!用黎撈飯食一流!另外我都好鍾意佢大大份既前菜同埋點肉既醬!不過餐廳比較逼佢d 滾緊既鍋係隔離經過都會好alert!哈哈!