沙田頭火鍋 (Closed)

依家火鍋選擇都好多，有台灣，重慶，日本，韓國，廣東等等。旺角有間食廣東火鍋，地方唔係好大但係都坐得好舒服。食火鍋最重要就係個湯底，有時有又怕熱氣但又想打邊爐，所以好多人都揀芫荽皮蛋，不過呢度嘅椰子雞鍋，用上文昌雞，原個揶青，清甜可口，又消暑，又唔熱氣。煮好啲雞飲啖湯，嘩….真係好清甜。佢哋嘅蝦丸同墨魚丸都係自家手打，另外餃子同蛋角都係推介。特級本地手切牛肉，肉味濃郁，打邊爐一流。店員兩位姐姐服務殷勤，好有親切感。佢哋話樓上仲有間房可以容納八個人。