黑木 (Closed)

約咗幾位朋友一齊食好野，於是朋友介紹我黎食依間位於尖沙咀金巴利街既日式居酒屋🏮由於我地好早食晚餐，佢好快就比咗位我地。我地三個女仔，本身想一人叫一個set 食，但餐廳既人都好好禮貌，佢同我解釋其實一個set份量都幾多，三個女仔食會好飽，所以最好就係叫兩個餐三個女仔share食 。咁我哋就跟佢意思啦，一開始因為啲串燒係逐碟逐碟上嘅，所以我哋都驚緊會唔會唔夠食。但係後尾發現原來真係有好多唔同種類嘅燒物。前菜有 海膽 都好新鮮 仲有青瓜之後有海鮮，好多唔同既燒物。包括有白鱔 非常好食😋、雞腎煙un得來又有啲爽口、牛舌、雞比菇、白菌、雞頸肉。 燒蕃薯好特別、豬手，溫泉蛋，肉同埋韭菜串燒。我最鍾意係食嗰隻溫泉蛋，馬油，魷魚仲有飯團！下面有好多張相～最後我哋每個人都食到好飽好飽！ 而且食物嘅質素真係幾唔錯😋😋非常之推薦。仲有餐廳嘅環境都幾正，同埋好舒適。