Video
Read full review
2022-02-26
19 views
之前去過將軍澳Pop Corn 食野，今次去到附近帝景灣商場覓食，搵到一間好難得嘅正宗粵菜，係有誠意製作嘅食店。窩心事，因為呢幾日天氣太凍有幾度，一坐低第一樣嘢就係比兩大杯熱檸水我哋飲，即刻成個人暖笠笠又清新，即刻加分啦係咪先。簡簡單單叫咗個小食海波先，登登登鄧！嚟咗一個椒鹽豆腐，豆腐好嫩滑同埋外皮好脆，椒鹽做得啱啱好，同埋你睇吓佢隻碟幾得意，成個人開心晒，唔好睇佢簡簡單單一碟炸豆腐係堅好食。跟住出場嘅係……菜遠牛肉，你睇吓佢嘅擺盤，幾咁優雅，佢用嘅牛肉原來係新鮮牛肉，同埋好友牛肉味，正宗粵菜你睇到佢嘅心機甘筍片菜遠我俾咗個特寫，睇吓下面你就知。正宗粵菜其中有得玩就係甘筍片做靚花花，即係將條甘筍雕完花再切片，唔係心機同刀工係啲乜嘢呢啊？唔係求其一個菱形就算，呢個係粵菜其中嘅技術，好嘢呀！另一個要讚嘅就係呢條菜心，佢係將條菜心打斜切，然後菜葉又會切咗一頂一部份，將條菜最嫩口嘅部份俾晒你食，呢條叫「菜遠」，你明唔明白呢段時間啲菜幾咁貴先得㗎，佢仲肯咁樣做真係俾個叻佢先得呀！接住落嚟出場嘅係…..粟米班腩！嗱咁呢個粟米班腩係有水準嘅，當然嗰啲班腩肉夠脆口，外面有沾到粟米汁又有蛋花，食落去有幾
窩心事，因為呢幾日天氣太凍有幾度，一坐低第一樣嘢就係比兩大杯熱檸水我哋飲，即刻成個人暖笠笠又清新，即刻加分啦係咪先。
簡簡單單叫咗個小食海波先，登登登鄧！嚟咗一個椒鹽豆腐，豆腐好嫩滑同埋外皮好脆，椒鹽做得啱啱好，同埋你睇吓佢隻碟幾得意，成個人開心晒，唔好睇佢簡簡單單一碟炸豆腐係堅好食。
跟住出場嘅係……菜遠牛肉，你睇吓佢嘅擺盤，幾咁優雅，佢用嘅牛肉原來係新鮮牛肉，同埋好友牛肉味，正宗粵菜你睇到佢嘅心機甘筍片菜遠我俾咗個特寫，睇吓下面你就知。
正宗粵菜其中有得玩就係甘筍片做靚花花，即係將條甘筍雕完花再切片，唔係心機同刀工係啲乜嘢呢啊？唔係求其一個菱形就算，呢個係粵菜其中嘅技術，好嘢呀！
另一個要讚嘅就係呢條菜心，佢係將條菜心打斜切，然後菜葉又會切咗一頂一部份，將條菜最嫩口嘅部份俾晒你食，呢條叫「菜遠」，你明唔明白呢段時間啲菜幾咁貴先得㗎，佢仲肯咁樣做真係俾個叻佢先得呀！
接住落嚟出場嘅係…..粟米班腩！嗱咁呢個粟米班腩係有水準嘅，當然嗰啲班腩肉夠脆口，外面有沾到粟米汁又有蛋花，食落去有幾種口感，魚肉都唔太差，件事情先交到貨呢！呢條係好合格嘅！
粟米班腩飯，望落去係咪好開心呢！咁我哋講嘅飯😬😬😬
飯好簡單軟硬適中，有飯味，粒粒均勻，上枱嘅時候你望吓唔太多又唔太少，無話可說啦！
題外話，餐具用心選擇，花紋圖案唔花巧，幾有氣質！
環境光猛，舒適優雅，同夠空間。
大家參考一下餐牌，有平有貴不同種類，大家可以有機會幫襯一下小店，支持一下有心有力嘅飲食業朋友們有生意做！希望呢間餐廳繼續努力加油啊！
Post
