雲魅 (Closed)

友人不嬲鍾意食米線，今次佢話要去試位於旺角既雲魅，因為佢話呢夠正宗。我哋兩個都叫咗過橋米線，揀咗文山精緻配料（$108）及雲魅特色湯底。首先嚟嘅係配料都好豐富，每樣配料分別用小碗裝住，跟住個湯係滾住送到黎。我地就馬上跟住指示落肉同埋海鮮，之後落蔬菜配料，最後先至落米線。啲湯既熱力足已令到肥牛熟哂，個湯底好特別，有少少酸辣口感，同埋都食得出佢係清雞湯底嚟嘅，連埋米線食真係一流，食完唔會口乾，配料個帶子同蝦都係好大隻，鍾意食米意既朋友可以一試。