好味來正宗重慶美食 (Closed)

由於工作關係，平日中午時份經常會响尖沙咀打躉，基本上呢區大部分嘅餐廳都試過。所以，今日終於下定決心响OpenRice度搵下有無啲新開嘅店，見呢間無乜食評，雖然唔係食辣嘢嘅超級fans，結果都同另一個唔食辣嘅朋友膽粗粗一齊去試吓。一如所料，齋睇過門面就知道係新開入面裝修簡約，有一種家庭式小店的味道我自己叫左個手撕雞麵(小辣), 朋友叫左個豬什麵(走辣), 再叫左一客紅油抄手(小小辣)大家share, 另加2個飲品。味道唔錯，可能係地道人處理嘅關係，同我之前响重慶食嘅味道基本上無分別，另外紅油抄手有好多隻，而且皮薄，扺食。老實講，埋單價錢一啲都唔貴，值得推介俾大家嘅一間家庭式小店。