Video
Read full review
2023-05-23
1085 views
方叔叔重慶老火鍋至今已擴展至全港8間分店，主打正宗重慶火鍋，對於嗜辣人士嚟講，真係愛不釋手。我一再光顧呢間火鍋店，原因係火鍋湯底按人頭計算，比出面一般火鍋店一鍋鍋收費更划算，定期推出限定特色湯底和新鮮食材，亦可半份點餐，完全符合食量不大，又喜歡試多幾款食物嘅我！另外， 方叔叔出名服務好，送糖水、上菜快、設即棄圍裙、口罩袋等等。幫襯當日，分別見到內地人、泰國人、北歐人幫襯，原來外國人都咁鍾意重慶火鍋！✔️鴛鴦麻辣鍋$38/位(養生花膠雞鍋另加$20/位）呢度嘅麻辣火鍋又辣又香，除咗好多好大隻嘅紅色指天椒，仲加咗唔少胡椒、大蔥，對於我來講普通辣啱啱好！另外揀返養生嘅花膠雞鍋，入邊有雞件、花膠、蟲草、杞子等，打邊爐之前飲返兩碗湯，個身暖暖哋好舒服！✔️美國Prime牛小排（半份) $138每次嚟都要叫牛小排，油脂豐富，食落鮮嫩，筋膜又少，成塊入口啖啖肉。✔️鮮活海蟶（半份）$454至8月季節限定食材，雖然唔係平時見開大大隻嘅蟶子，但係都肥美爽口！✔️手打魚籽蝦滑（半份）$58手打蝦滑特別彈牙，又重蝦味，每次嚟都會點！✔️手打四寶丸（半份) $58呢個四寶丸有齊晒牛肉、豬肉、蝦肉、墨魚丸，同樣都係特別爽
✔️鴛鴦麻辣鍋$38/位(養生花膠雞鍋另加$20/位）呢度嘅麻辣火鍋又辣又香，除咗好多好大隻嘅紅色指天椒，仲加咗唔少胡椒、大蔥，對於我來講普通辣啱啱好！另外揀返養生嘅花膠雞鍋，入邊有雞件、花膠、蟲草、杞子等，打邊爐之前飲返兩碗湯，個身暖暖哋好舒服！
✔️美國Prime牛小排（半份) $138
每次嚟都要叫牛小排，油脂豐富，食落鮮嫩，筋膜又少，成塊入口啖啖肉。
✔️鮮活海蟶（半份）$45
4至8月季節限定食材，雖然唔係平時見開大大隻嘅蟶子，但係都肥美爽口！
✔️手打魚籽蝦滑（半份）$58
手打蝦滑特別彈牙，又重蝦味，每次嚟都會點！
✔️手打四寶丸（半份) $58
呢個四寶丸有齊晒牛肉、豬肉、蝦肉、墨魚丸，同樣都係特別爽口彈牙！
✔️千絲柏葉（半份）$38
洗得好乾淨，又爽脆！
✔️長城小白豬午餐肉（半份）$28
切得幾厚身，食到有咸香味！
✔️包漿豆腐（半份）$28
呢隻豆腐幾結實，淥完唔會散修修！
✔️鮮竹笙（半份）$38
無論打邊爐或者食湯麵嘅時候，叫竹笙都唔會有錯，有口感，又索晒啲湯汁精華！
✔️唐生菜（一份) $28
菜葉幾青綠，都幾新鮮！
✔️功夫萵筍片(半份)$28
賣相整到成朵花咁靚，色澤好靚，好新鮮！
✔️紅糖糍粑(一份）$68
可以話係我最近食過最好食嘅紅糖糍粑，口感非常綿糯煙靭，半份唔夠食，要點一份！
✔️罐裝無糖可樂$18
打邊爐同有汽可樂係絕配！
**設加一服務費
Post
