The Hwaduk (Closed)

同朋友行完書展，行完七點半鐘，之前知道利園附近開平道Cubus新開有d高質餐廳。我地兩個人想食韓國野，於是就試下21樓既The Hwaduk食韓國炸雞。上到去，餐廳裝潢不錯，好有氣氛，高層可以俯瞰銅鑼灣景色，晚上好適合同朋友king計聚舊，唔會太嘈。睇返餐牌，佢以烤雞同烤pizza為主，價錢尼講同平時質素有返咁上下既餐廳差不多。我地叫左個無酒藍莓梅桑格利亞味道有d似利賓立。水果蜜桃熱茶，蜜桃味很淡，入口甘甜。前菜有醃嘅白蘿蔔，酸甜酸甜好開胃! 主菜叫左個烤雞配年糕同海鮮湯烏冬。 烤出尼既雞肉好嫩好滑，亦都保持到佢既肉汁鎖住係裏面，味道唔錯，因為保持到肉質咁鮮嫩。全程可以戴住手套，唔洗整污糟手指。海鮮湯烏冬材料新鮮有青口大蝦。份量剛剛好，不會太飽，仲有，餐廳嘅侍應係韓國人，不過非常有禮貌。