喜來稀肉 (瓊華中心)

Open Now

Now Closed

喜來稀肉嘅韓式燒肉一直都係我想去嘅韓國餐廳，因為佢地嘅肉有保證之餘又唔會太貴，加上佢嘅前菜有6款任食，仲有生菜包都任攞，相比其他餐廳要每碟計，所以喜來稀肉性價比好高。當然要叫五花肉（$158），燒香之後肉質好咬口哨，配埋泡菜生蒜好好味。仲有值得一讚係服務生你每燒完一碟肉，佢一定會主動帮你換燒板，非常貼心同服務好好。另外一定要嗌喜來烤肉，係招牌菜，用特別材料醃製嘅牛肉，油脂分佈均勻，又有少少果香味，好味之餘只需幾秒就可以食，好嫰滑又有肉味。再叫多個牛肉眼扒（$158）雖然唔太厚身，但都肉味濃郁。兩個人叫三份肉已經好飽，再想試其他都要等下次。值得一提係佢嘅爐邊芝士蛋，同淨蛋卷都好好味，又可以refill相當抵食，我地無refill都已經好飽，最讚係佢地嘅蒜片一直係爐邊燒，烤到軟身超好食。