莎巴馬來西亞餐廳

Open Now

Now Closed

放工係灣仔食晚餐～ 朋友推薦一間馬來西亞餐廳～ 我地叫左馬來西亞椰汁辣飯，馬拉盞通菜，大蝦炒金邊粉，特色馬來西亞汁大蝦（問職員有咩好推薦，佢話餐牌未有但可以special 整俾我哋食)甜品叫左馬來西亞炸香蕉，飲品叫咗3個椰青馬來西亞椰汁辣飯，佢有得揀配牛或者雞，我哋要咗牛肉～ 真係超級好味！仲有小魚干同花生配埋一齊食，個汁配埋牛肉一齊食好正宗好開胃！馬拉盞炒通菜好夠鑊氣，味道岩岩好，大贊！大蝦炒金邊粉都好正！啲蝦大大隻！金邊粉炒得好香，味道配搭惹味～ 特色馬來西亞汁大蝦既汁真係好開胃又特別，佢特別嘅感覺好難去形容，食落就有一種好似係馬來西亞當地食咁既感覺。真心推薦甜品馬來西亞炸香蕉🍌外香簿脆內淋既口感真係一試難忘，仲要超級小餐廳有得食，呢個係必食之選！不得不提吓椰青真係好清甜爽口，超級好飲，個椰肉仲要好薄好易刮出嚟食，一邊同朋友傾偈傾傾吓就食晒個椰青！佢個椰青比出邊舖頭更甜更好味，好高質！