劉一手重慶火鍋 (又一城) (Closed)

好耐冇食過劉一手啦！原來而家下晝時間有特惠刺身丼火鍋午市套餐！刺身丼加埋火鍋真係一個好新絴既組合！套餐 $228/ 位！包括咗前菜迷你刺身丼、特色涼菜同埋沙律！鍋底可以選擇鴛鴦鍋，所以我哋揀咗麻辣湯同山珍雜菌鍋！雜菌湯係開始打邊爐之前大家都可以飲返碗先！主菜有美國牛小排或者鹿兒島黑毛豬五花腩， 或者可以加錢升級要和牛或者精選海鮮！我同朋友就叫左美國牛小排，個質素都幾高呀！另外套餐仲會有蔬菜豆腐拼盤、鴨血、魚皮餃、頁丸同埋墨魚丸！仲會有一款主食， 我哋揀咗烏冬同埋紅薯粉！ 紅薯粉用麻辣湯去煮，入晒味好好味！最後仲會有甜品䉺糖糍粑同埋飲品，䉺糖糍粑外脆內軟，煙煙韌韌！成個套餐我地 2個女仔食都好飽，套餐仲可以額外追加其他配料！偶然午餐食吓火鍋都唔錯