渝味曉宇重慶老火鍋 (聚賢逸居) (Closed)

成日睇地鐵見到渝味曉宇既廣告，覺得好正好吸引，今日終於有時間嚟到一試！！🤩🤩今次去咗佢堅尼地道分店，舖頭無論內外嘅裝修都好有特色，紅紅黑黑，一睇就知係麻辣火鍋嘅味道。店內裝修好用心，充滿中國風，亦都坐得好舒適。舖頭衛生同埋防疫措施做足，有提供口罩袋，十分貼心。仲有印上佢地招牌既小圍裙(一次性)，防止衫褲被濺污👍🏻未開始點餐前，待應就送上每人一碗冰糖雪耳紅棗糖水！ 好清甜又唔膩，話係為麻辣火鍋打個底先，不怕傷腸胃。唔算好食得辣既我地揀咗鴛鴦湯底(麻辣&豬骨)。佢地個麻辣湯做到香、麻、辣，唔係死辣，平時唔係好食辣嘅我都食得好過癮！呢度食物可以叫半份，今次同朋友二個人來，都可以叫好多款，材料好新鮮，上菜速度亦好快，瞬間就嚟齊晒，方便影相🙊🙊重慶炸酥肉即食小食，點麻辣湯食仲正🤩又熱辣辣又鬆脆，超香口！！紅糖糍粑食啲澱粉質打多個底😛 糯米燒到外脆內軟，配上黑糖，米香一流👍🏻👍🏻手打蝦滑蝦滑分量幾多，囗感彈牙爽滑！鮮甜！本來想叫安格斯肥牛，但見幾貴就索性試下新嘢，點知執到寶！！🙊🙊 叫咗嫩牛肉絕對驚喜，呢款牛口感極之滑，落麻辣鍋灼上辣味簡直頂級！！ 好食到忍唔住encore咗🤣🤣💯💯💯必食鴨血出名