茶木‧台式休閒餐廳 (杏花新城) (Closed)

是日收早同女朋友去杏花新城行街食飯，七點未到餐廳人流唔多唔使排隊，仲任揀位坐。夜晚餐牌選擇都多，小菜為主，加三十元有白飯、沙津同飲品。我地叫左一個小菜同一客肉澡飯。香煎腓力豬肉澡飯，上台都新鮮熱辣，肉澡夠味，豬柳比較有咬口，應該要用刀切當西餐食。鳳梨雜果咕嚕肉，有誠意，全部生果都係新鮮生果並非罐頭，有菠蘿，草莓同火龍果，咕嚕肉都係新鮮炸起脆口，甜酸都恰到好處，唯獨是全部生果比較大份，相對地咕嚕肉即份量就比較略遜。