泰華餐廳

Open Now

Now Closed

Lunch hour時間寶貴，同同事出街食最緊要快靚正，茶記係不二之選。今時今日嘅沙田周圍都係人，好多地方都難搵位，要行到嚟娛樂城呢邊先唔洗等位有得坐。呢度不久時翻新過，比以前企理咗，茶記來講算幾好坐。午餐款式日日唔同，但5號餐永遠都係原汁牛筋牛腩飯，招牌菜咁款。例湯可揀中或西，中湯幾好，當暖下個胃。筋腩飯賣相一般，幸好個腩汁不太油，撈飯可以。牛腩肥瘦適中，算淋但唔太入味。呢度快餐醫肚算係咁，係每星期會去食嘅地方之一。