家常麵

Open Now

Now Closed

大約晏晝2點左右到，因為係平日嘅下午，人唔算多，入座率未到一半。叫咗8隻蒸餃、1客醉雞、1個排骨擔擔麵、1個雪梨豬肺湯。職員算熱心，一聽到蒸餃就話拿拿聲蒸咗先唔好要我哋等。蒸餃算大隻足料，入面係包咗啲炸蒜，名味但冇咩特別。醉雞都唔少，有肉夠滑，少少酒味偏甜。排骨炸得酥嫩有汁；擔擔麵湯底少少稀，麵中間偏軟，普通。個湯就清清哋飲唔出咩味，比茶餐廳例湯淡少少咁。另外食咗佢鋪頭自家製辣醬，其實係唔辣唔咸嘅李錦記豆瓣醬咁上下，其實冇咩特別，偏多蒜嘅。2個人食都算幾飽，但食完一陣覺得口乾眼瞓，應該都有少味精。