KiKi滷麵 (Closed)

Kiki麵平時都食唔少，經過尖沙嘴發現原來佢哋有間外賣店！小店主打多款台式風味嘅拌麵，配料方面有套餐揀亦可以自由搭配，款式十分多樣化，放工唔想煮飯嘅話呢個都係個唔錯嘅選擇😬選擇困難症人士表示叫套餐唔洗煩🤣 牛之選包括金錢肚、牛筋、甜不辣、百頁豆腐、蘿蔔同唐生菜～ 豚之選有豬耳、小肥腸、貢丸、百頁豆腐蘿蔔同唐生菜，而滷水3重奏係指咖哩魷魚、蘿蔔同百頁豆腐！配料滿滿，賣相一流，十分吸引～ 個人最鍾意呢度嘅牛筋、蘿蔔同豆腐！牛筋軟硬度適中，充滿骨膠原，帶點咬口、蘿蔔煮至軟淋，忍唔住一啖接一啖、豆腐嘅豆香味突出，煙煙韌韌得嚟又幾滑，老少咸宜，必點之選、其他款式都唔錯，丸類爽口彈牙，甜不辣有台灣風味，全部都超級入味，性價比高😗麵條有幼有粗，個人更喜歡後者，食落彈牙，帶點嚼勁，而且夠掛汁！味道分別有蔥油、咖喱汁同香蔥鵝油，三款各有千秋，蔥油味香濃、咖喱汁惹味，香蔥鵝油完全唔膩，好難選擇邊款更好食，下次要試埋湯先至得！飲品方面有好多選擇，楊枝甘露鮮香滑嫩，芒果同奶味味同樣突出，甜度啱啱好，好似食緊甜品咁☺️ 珍珠奶茶係台灣必點，珍珠Q彈，奶茶香濃，入口順滑，美味！檸檬冬瓜茶飲落滋潤，感覺更健康，最後要