牛一 (屯門市廣場1期) (Closed)

星期日8點幾2個人去食牛一，見到好多人排隊，香港人心理人排我又排，雖然等左成個鐘但結果幾驚喜。一入到去被安排坐4人位，得2個人嘅我地坐得相當舒適。侍應服務亦相當好，有笑容又好有禮貌，落左order上菜速度都好快，抵讚！配菜方面冇咩驚喜，都係傳統打邊爐嘅料，唯一有少少嘅應該係和牛炒飯，相當好食。而補充配菜嘅速度亦相當快，每次去攞配菜都是滿滿的 。主角肥牛正正正正正！牛味濃郁，爽口而且唔肥瘦適中。一開始肥牛未到時係咁食配菜，到肥牛一到淨係主攻肥牛。一來係唔蝕底心理，二來真係好好食，食左一啖之後就停唔到口係咁一直食。最後唯一唔好嘅地方就係牛一最近推出嘅優惠，佢要顧客print出來，相當唔方面我地。而且apps話冇話要print出來，指示有少少唔清晰。希望真係真心想回饋顧客去做優惠。