江南瀨粉 (福榮街) (Closed)

去開深水埗，今次試book mark咗好耐嘅瀨粉。同我地平日嘅燒鵝瀨唔同，呢隻瀬粉粗身啲硬啲。不過個人就不太欣賞，覺得硬得濟，如果可以整得滑溜啲輕身啲會更好。清清試咗魚肉春卷同豬手做餸配料質素竟然都唔錯！另外叫左份韮菜豬紅同鳳爪，份豬紅好大份，早知唔駛叫咁多啦！不過份鳳爪竟然係凍的。凍食唔係唔得，不過同期望有少少出入，如果熱食同再淋啲會更好。一讚嘅係呢度真係幾平、又大份，其實唔食瀨粉仲有好多野揀，又一地茂之選。