Video
Read full review
2022-05-11
1054 views
母親節前夕，同屋企幾個媽咪级食個靚飯慶祝🌟終於試到fashion walk 呢間京滬菜！佢有户外坐位，我可以私心帶埋自己個毛孩女女miumiu黎迫佢同我過母親節🤣🤣坐位係舒服既，不過當晚有少少雨，好在有大太陽傘遮擋。最重點想試既係酥香烤鴨，真心無令人失望！侍應重好細心教我地唔同部位點食最好味。最面嗰幾塊皮沾沙糖，入口真係有即溶既感覺，媽咪都話驚喜！鴨脾沾蒜茸食，又係一個新鮮既食法。姪女就全晚忙住幫大家用薄餅皮包烤鴨，忙得不亦樂乎🤣點心當然唔少得小籠包，皮薄多汁，姪女自己KO左一籠。牛肉餅都係爆汁，不過味道比唔上較九龍城，唔使encore🙈砂鍋花膠雲吞雞，湯底味道濃郁，花膠都唔係渣嗰種，夠厚身👍🏻肉類重有孜然小羊排，脆皮三支骨同松鼠黃魚。羊排一支支骨方便食，味道酥香，鍾意食羊既一定話正。松鼠黃魚炸得香脆，酸酸甜甜正好解其他野食既油腻感。甜品,杏汁高力，食落好似梳乎厘，裏面包住杏汁，幾得意，唔太甜，不過之前食得太飽，甜品相對無咁吸引了🤪總括呢餐係滿意既，下次都會再番黎食烤鴨。 難得放寬返可以7人狗一齊去街食飯，特別高興😊
終於試到fashion walk 呢間京滬菜！佢有户外坐位，我可以私心帶埋自己個毛孩女女miumiu黎迫佢同我過母親節🤣🤣
坐位係舒服既，不過當晚有少少雨，好在有大太陽傘遮擋。
最重點想試既係酥香烤鴨，真心無令人失望！侍應重好細心教我地唔同部位點食最好味。最面嗰幾塊皮沾沙糖，入口真係有即溶既感覺，媽咪都話驚喜！鴨脾沾蒜茸食，又係一個新鮮既食法。
姪女就全晚忙住幫大家用薄餅皮包烤鴨，忙得不亦樂乎🤣
點心當然唔少得小籠包，皮薄多汁，姪女自己KO左一籠。牛肉餅都係爆汁，不過味道比唔上較九龍城，唔使encore🙈
砂鍋花膠雲吞雞，湯底味道濃郁，花膠都唔係渣嗰種，夠厚身👍🏻
肉類重有孜然小羊排，脆皮三支骨同松鼠黃魚。羊排一支支骨方便食，味道酥香，鍾意食羊既一定話正。松鼠黃魚炸得香脆，酸酸甜甜正好解其他野食既油腻感。
甜品,杏汁高力，食落好似梳乎厘，裏面包住杏汁，幾得意，唔太甜，不過之前食得太飽，甜品相對無咁吸引了🤪
總括呢餐係滿意既，下次都會再番黎食烤鴨。 難得放寬返可以7人狗一齊去街食飯，特別高興😊
Post
