Hunky Dory

Open Now

Now Closed

今年母親節選擇了去食西餐，因為中餐阿媽唔鐘意，自助餐母親節正日又好貴又難搵到位。科學園一定少人好多，見呢間西餐廳OpenRice 好多好評，環境又唔錯，就試吓啦。當日去到大約8成滿客人，我哋一行6大2小，叫咗好多菜色，最好食係健力士牛肉批，係啱啱焗好，皮鬆脆，裏面好多牛肉粒，season 得幾好。燒烤拼盤有牛扒，豬肋骨，雞半隻同一啲蔬菜，比較乾又已經凍咗。大蝦意大利燴飯，大蝦一大隻，買相吸引，水準可以。黑松露忌廉天使麵，充滿忌廉汁。漢堡包好大份我冇食到，另外再叫一大份豬肋骨，鋪上大量bbq醬，好味。呢到環境幾好，又服務唔錯，值得聚會時去，尤其啱揸車人士。