Video
Read full review
2008-05-17
20 views
同媽子補祝母親節，最後決定離左呢到食餐好既lunch。前一日book定左兩位既sushi bar，比預定時間早左十五分鐘左右去到，一去到有位，坐正sushi bar既正中間，對正大師傅。睇餐牌諗都冇諗就一人叫左一個16件自選set，包括有前菜同蒸蛋。返離既其中一個原因就系要食佢呢到既蒸蛋，太好味了。壽司我點左既有︰中とろ x2，はまち﹙油甘﹚ x2 ，しまあじ ﹙深海池魚﹚x2 ，鯖，鱸，いくら﹙三文魚籽﹚，海胆，いわし﹙沙甸﹚，平政，赤貝，甘海老，帆立，石鯛。參考過之前食評，今次請師傅將三文魚籽同海膽最後先上。師傅亦都好細心地答應了。總括離講材料都系新鮮既，而且水準keep得好好，同上次差唔多，品質算系穩定。覺得特別好食既包括有︰->中とろ ︰呢個必食，同媽子兩個都大贊。到宜家都仲回味緊佢入口既溶既果種口感。其中一件仲好似之前睇過既一本壽司書咁，個切法系將魚肉切成一半赤身，一半中とろ ，口感好特別。望住眼前材料櫃果幾塊大とろ魚件，決定下次有機會要另外叫件大とろ＾＾->石鯛 ︰呢個好過上次，肉質新鮮，而且好有咬口。->海胆 ︰佢
前一日book定左兩位既sushi bar，比預定時間早左十五分鐘左右去到，一去到有位，坐正sushi bar既正中間，對正大師傅。
睇餐牌諗都冇諗就一人叫左一個16件自選set，包括有前菜同蒸蛋。返離既其中一個原因就系要食佢呢到既蒸蛋，太好味了。壽司我點左既有︰
中とろ x2，はまち﹙油甘﹚ x2 ，しまあじ ﹙深海池魚﹚x2 ，鯖，鱸，いくら﹙三文魚籽﹚，海胆，いわし﹙沙甸﹚，平政，赤貝，甘海老，帆立，石鯛。
參考過之前食評，今次請師傅將三文魚籽同海膽最後先上。師傅亦都好細心地答應了。總括離講材料都系新鮮既，而且水準keep得好好，同上次差唔多，品質算系穩定。覺得特別好食既包括有︰
->中とろ ︰呢個必食，同媽子兩個都大贊。到宜家都仲回味緊佢入口既溶既果種口感。其中一件仲好似之前睇過既一本壽司書咁，個切法系將魚肉切成一半赤身，一半中とろ ，口感好特別。望住眼前材料櫃果幾塊大とろ魚件，決定下次有機會要另外叫件大とろ＾＾
->石鯛 ︰呢個好過上次，肉質新鮮，而且好有咬口。
->海胆 ︰佢既海膽分北海道海膽同海水海膽兩種。餐叫既系海水海膽。真系好海水味，好有剛系海邊捉上離食既感覺。但媽子就唔系太中意呢個味。之後聽到師傅同侍應生講冇晒海水海膽，同枱客講轉貴d既北海道海膽，有d羨慕果枱客呢^^
->鯖 ︰一向對呢個要求都好高。系香港想搵件好食既唔易。呢到既水準算系中上啦，但味道稍為唔系太夠。
->沙甸 ︰剛剛踏入食沙甸既梅雨季節，叫左一件來試試。呢個反而只是一般，唔夠新鮮。可以更好。
->油甘 ︰雖然宜家已經過晒食油甘既季節，但由於自己真系太愛油甘，所以明知錯既都要叫件離食。雖然都系油甘，但「はまち」當然始終唔夠冬天既「ぶり」正，但都算唔錯啦。
服務方面無論系侍應還是師傅們都好體貼到客人既需要，當有唔明時，侍應生好主動地走過離為我地講解壽司紙上既魚種。添茶既時機亦配合得很恰當。而師傅們亦很耐心咁聽取每位客人既要求，而且上壽司時間亦剛剛好，剛食完其他，兩種後上既三文魚籽同海膽剛剛整好送到我地面前。實在值得加分。
繼續系我最愛既壽司店之一。一定會有下次，而且宜家已經好掛住，相信好快又會再次拜訪
Post
