芳記廚房

Open Now

Now Closed

一行7人提早母親節飯，今次就黎試下芳記廚房私房菜食下。我地食7點，去到已經開始多人。好在有訂位，唔洗等就有位。由於有大肚婆關係，芳姐非常貼心準備了响螺燉水鴨湯，個湯好甜好潤，一盅夠每人飲3碗，飲湯都飽。👍因為老豆想食蟹，所以芳姐為我地準備了蛋白蒸蟹，我本身唔係好食蟹都覺得好好食，啲蛋白索晒蟹精華，好香好有味。😘其餘餸菜重有海参炆雞：雞係新鮮雞，有雞味。煎英倉魚：倉魚相對普通左啲，正正常常。豆腐肉碎煎蛋：比預期好食，豆腐同蛋比例啱啱好，豆腐同蛋都整得好滑唔老，有驚喜。梅菜扣肉：扣肉係入口即溶😃上湯肉碎水瓜苗：水瓜苗等一次食，感覺好爽好有咬口，無渣的。羌汁燉奶：燉奶都滑滑的整體黎講食物質量質素兼備，大家都食到爆肚，有下次下次再試其他菜。