雅苑餐廳 (玉龍樓) (Changed Hand) New Restaurant

每個人屋企附近總會有一間飯堂，嗰間食堂唔需要特別出眾，唔需要做到米芝蓮級數，唔需要做到啲伴碟挑剔晒花，食之前要影吓相先，只需要在你唔知想食乜嘅時候，你就會諗起不如去食XX啦，近近哋。點解你屋企附近有咁多間餐廳，偏偏你肚餓嘅時候，唔想去咁遠，唔想特別諗食啲乜，就淨係會諗起佢，佢唔一定要特別好味，但要近，最好在你屋企樓下，仲要係價廉物美樣樣精，今日忽然之間想食扒，會諗起佢啲鐵板牛扒係唔錯的，有心血來潮想食小炒，又會諗起佢啲小炒好夠鑊氣，有朋友來作客，近近地叫外賣都係叫呢間，而朋友嘅comment一般都會係「都Ok喎！六七十蚊又唔貴喎！」睇相就知平平無奇得嚟又平又幾好味啦！味道：環境：服務：特色：泊車：（元朗市中心，唔好諗）評語：如果我住附近，雅苑絕對符合飯堂嘅條件。